5 2025 UNDERGRADUATE PROSPECTUS MOLAETŠA GO TŠWA GO MOTLATŠAMOKHANSELIRI LE HLOGO Ge o thoma ka leeto le le latelago, o lebagane le sephetho se boima eupša ke se bohlokwa sa moo o tla go ithuta gona le seo o tlago go kgetha go ithuta sona. Ge o dutše o ela dikgetho tša gago ka kelohloko, ke go netefaletša gore Yunibesithi ya Johannesburg (UJ) ke ye nngwe ya diyunibesithi tšeo di nago le bophelo kudu le go ba yeo e thabišago kudu ka mo Afrika Borwa. Le ge e le gore UJ ke setheo se sefsa ka mo go thuto ya ka godimo ya Afrika Borwa, re hlatlogetše godimo go fihla bokgoleng bjo bo sa bolelwego mo mengwageng ya bjale. Histori ya rena e humile e bile e emela bohwa bjo botelele. Mo mengwageng ya bjale, go bewa ga rena ka boomo ka go Phetogo ya Bone ya Intasteri (4IR) le go tšwelela ga rena bjalo ka setheo sa Afrika ka moka di hlamile tsela ye. Godimo ga fao, re beile kgatelelo go dinyakišišo tšeo di lebanego le Dinepo tša Tlhabollo ya go ya go ile tša Ditšhabakopano (SDGs) le go tsenya letsogo go tlhabollo ya pholisi. Phetogo ya rena ya go ithuta, ga bjale, ke yeo e hlalošitšwego ke khuetšo ya rena ya setšhaba maitekong a. Re Yunibesithi ye e fetogago, yeo e agago ka mafolofolo bokamoso bjo bo re dikologilego. Re ikgafile go tlhabollo ya gago ya thuto le ya tlhaologanyo ka nepo ya go go lokišetša bokamoso. Lefase leo le re dikologilego le fetoga ka lebelo gomme go bjalo le ka dinyakwa tša katlego. Ka mo UJ, re go hlomela ka bokgoni le bokgoni bja go tšea karolo le go atlega ka go 4IR. Go feta fao, re dira se ka kgatelelo ya khuetšo ya setšhaba. Ka mo UJ, o tla kopana le menagano ye mebotse kudu ya thuto go tšwa ditlogong tše di fapanego tšeo di akaretšago lefase ka bophara, tšeo di tlago tsenya letsogo katlegong ya gago ya thuto. Go na le kgetho e kgolo ya mananeo a maemo a godimo ao a akaretšago mafapha a šupago le kholetšhe e tee. UJ e amogetše mokgwa wo o humilego ka theknolotši wa go ruta le go ithuta. Ka lebaka leo, maemo a lefase le go tia ga dithuto ka mo UJ di lemogwa ke ditshepedišo tša maemo a godimo kudu tša lefase ka bophara tša maemo a thuto ya godimo lefaseng. Mo mengwageng ya gona bjale, UJ e tšweletše bjalo ka motšeakarolo wa phadišano, e sego fela ka Afrika Borwa eupša gape le ka kontinenteng, gomme e hlatlogile kudu maemong a. UJ e bontšhitše go phadima kudu ka mo go ruteng, go ithuta, go nyakišiša le go betla kgato ya rena ya maoto mo mengwageng ya gona bjale. Re dirile seo bjalo ka setšhaba sa barutegi. Selo seo se tlago pele ke go godiša boitemogelo bja gago bja go ba moithuti. Phetogo ya go ya yunibesithing e ka bonagala e le ye e boifišago, eupša UJ e na le ditshepedišo le dibopego tše di lego gona go netefatša gore ye ke tshepedišo ye e se nago mathata. Ka mohlala, Lenaneo la Maitemogelo a Ngwaga wa Pele la UJ le fana ka menyetla ya thekgo le tlhabollo, mola mananeo a go tia a thuto le a thekgo ka bathušabafahloši a netefatša leeto le le se nago mathata nakong ya dithuto tša gago tša yunibesithi. Re fana ka dithuto tša ngwaga wa mathomo tše di fetogago, go tloga go Maitemogelo a Afrika go ya go Bohlale bja Maitirelo (AI) go ya go tšweletšo ya SDGs, tšeo di lebišitšwego go fa baithuti ba rena maemo a phadišano. Lenaneo la rena la Maitemogelo a Ngwaga wa Godimo le tla go godiša go ya ngwageng wa gago wa mafelelo, go aloga le go feta. Mo legatong le lengwe le le lengwe, UJ e ikgafile go tsenya letsogo tlhabollong ya gago ye e feletšego. Go bapa le tikologo ye e thabišago, ye e bolokegilego, ye e thekgago le ye e hlohleletšago tlhaologanyo, re go fa dibaka tša go katološa neteweke ya gago. O tla kgona go godiša dineteweke tšeo di tlago go tšwetša pele bophelong bja gago ka moka. Kamano ya rena ya kgauswi le ya go ya go ile le dialoga tša rena e laetša boikgafo bja rena bjo bo abelanwago go pono ya UJ. Khuetšo ya rena setšhabeng sa rena le ka ntle ga mejako ya rena e gotše ka maatla le ka tšhušumetšo. Ka lebaka leo, dialoga tša UJ di tlogela leswao la tšona nageng ya rena, kontinenteng le boditšhabatšhabeng. Ka mo UJ, re netefatša gore o tšwelela go tšwa setheong sa rena bjalo ka motho ka noši yo a tsenyago letsogo ka mafolofolo le ka tebanyo go bokamoso bjo bokaone. Ge e le gore nepo ya gago ke go dira khuetšo ya go ya go ile setšhabeng le go laetša boitlhamelo le go kgotlelela, ye ke kgetho ye e nepagetšego. Mahlatse le mahlogonolo ka sephetho se se bohlokwa! Menyetla le dipono tšeo di ka hwetšwago kua UJ ga di na mellwane gomme re holofela go le amogela mo ngwageng wo o tlago. Bjo ke bokamoso bja gago, bjo bo nagannwe gape! Prof Letlhokwa Mpedi Motlatšamokhanseliri le Hlogo
RkJQdWJsaXNoZXIy MjU1NDYx